Jarduerak

      Arantzako Aterpeko gidariaen ardurapean, adin eta talde mota ezberdinetara egokitzen diren jarduerak proposatzen dira

Kontutan izan beharreko oharrak

	SAN JUAN XAR San Juan Xarreko irtenaldia egun erdiko ibilbide erraza da. Paraje eder honetan, haitzuloa eta oso ezaguna den iturri sendagarria daude. Bidean zehar,  galtzada erromanikoa, Arrata errekako bazter freskoak, XIII. Mendeko Aranibar etxea eta San Juan Xarreko xarmak (Pagolizarrak) izanen dira ibiltariaren lagun.
	SAN JUAN XAR + ARTISAUA San Juan Xarreko irtenaldiarekin lotu daiteke. Iturtzenborda baserriko Luis Madariagak betiko artisauen erara, egurrezko erlojuak, bastoiak eta abar egiten ditu. Egur ezberdinak erabiltzen ditu (lintsusa, gaztaina, haritza...)  eta jarduera honekin, lantze prozesua nola egiten den ikusteko aukera izango genuke.
	BASERRI ETA AUZOAK Egun erdiko irteera gidatua. Herritik auzoetara doazen bidexketatik baso eta paraje ederrak pasatuz, baserriko bizimodu eta kondairak ezagutuko ditugu. Senberro baserrira joanda, bertako bizimoduaz jabetuko gara: abereak, baratze eta belardiak, bertako fruitu-arbolak, gaztagintza..
	ESPELEOLOGIA: ARRUZPIKO KOBAZULOA Egun erdiko irtenaldia. Arruzpiko kobazuloan sartzeaz gain, kobazuloak nola sortu eta zertaz osatuak dauden ikasteko aukera eskainiko digute jarduera honetan. Estalaktitak, estalagmitak, Gours-ak eta abar nola sortu ziren erakutsiko digute eta Arruzpiko kobazuloei buruzko kondaira eta sinesmenei buruzko azalpenak ere emango dizkigute. Aterpetik 10 minutura dagoen Arruzpiko kobazuloan sartzeko komenigarria da arropa zaharra ekartzea.
	MENDI ITZULI MOTZA ETA ZUHAITZ-PARKEA Zuhaitz-parkera iristeko ordu beteko mendi irteera egingo dugu, herritik auzoetara doazen bidexketatik baso eta paraje ederrak pasatuz. Zuhaitz-parkean taldeetan banatuko gara. Monitore bat izango da uneoro bertan eta beharrezko ziurtasun material guztia, kaskoa, budriela...emango digu. Zuhaitz parkea zuhaitz batetik bestera pasabide desberdinen bidez pasatzeko zirkuitua da. Lurretik 5-10 metrotara daude pasabide hauek eta era desberdinetakoak dira (Tibetanoa, Kulunkak...) Zuhaitz arteko pasabideak egin eta gero, tirolinaz emango zaio amaiera zirkuitoari.
	MENDI ITZULI LUZEA ETA ZUHAITZ PARKEA Egun osoko ibilbide honetan Arantzatik atera eta Bordalarrea auzoko bidexketatik Zepuru mendiko gainera (715 m.) helduko gara. Bertatik Arantza herriaren eta inguruko mendi eta bertze zenbait herrien arteko mugen ikuspegia izango dugu,  Arantzako mendi-zirko osoaz, alegia. Naturarekin bat eginez, kirola egiteko eta orientazioa lantzeko aukera izango dute haurrek. Senberroko bordako hariztian bazkaldu ondoren, zuhaitz-parkean ibiltzeko aukera izango da, zuhaitz arteko pasabideak eginaz, tirolina, kulunkak  e.a..

Ekintzetako helburu orokorrak

-       Natura eremuan bizitzea, ezagutza eta errespetua aldagai nagusienak izanik
-       Euskal herriko eremu desberdinen ezagutza: fisikoa eta bertako ohituren eta kondairen jabetza.
-       Haurren eta herritarren arteko elkar ezagutza eta erlazio lotura ezberdinak eraiki.
-       Abenturazko ekintzetan oinarritzea, gazteentzat arrotzak edo erakargarriak direnak..
-       Euskararen erabilera bermatzea.
-       Talde lanean oinarrituta ikaskideen arteko loturak sendotzea.